You are using an outdated browser. For a faster, safer browsing experience, upgrade for free today.

رسم المخ

رسم المخ

تحد الأستاذ الدكتور عمرو حسن الحسني أحد أشهر أساتذة المخ والاعصاب بمصر و الشرق الأوسط رسم المخ و إمتي نعمله و إمتي لأ.. عشان موضوع رسم مخ لكل مواطن ده مستفز جدا .. و كل كشف معاه رسم مخ ده أكثر استفزازا

أ- إصرار البعض من أطباء المخ و الاعصاب و غيرهم من بعض التخصصات علي طلب رسم مخ للمتابعة في كل زياره لمريض التشنجات لا يوجد أي أساس علمي له.
الرسم بيتعمل فقط في الأول للتشخيص و ممكن في الاخر في حاله الرغبة في سحب العلاج .

ب- طبعا ممكن لطبيب المخ والأعصاب إعادة عمل رسم المخ مره تاني لو مثلا الرسم الأول كان غير دقيق او عاوز يضيف تقنيه معينه أو عاوز يطول مدة الرسم لكن انا بتكلم علي اللي بيعملوه كل زياره بشكل روتيني..مفيش حاجه اسمها متابعه نسبه الكهرباء ..آه و الله مفيش حاجة اسمها نسبة الكهرباء .. أنا عارف إني بألعب في الثوابت بس معلش هي كده الحقيقة مُرة متابعه حالات التشنجات بيبقي اكلينيكي بدون داعي لعمل رسم مخ بشكل متكرر

ج- تشخيص الصرع و اضطراب كهربيه المخ تشخيص اكلينيكي بالدرجة الأولي يعني بتعرف بالكشف و سماع شكوي المريض ...أما رسم المخ مجرد أداه لتأكيد التشخيص و ربما معرفه epileptic syndrome

د- ١٥ % من الناس الطبيعية عندهم تغيرات في رسم المخ و اعتبار هذه التغيرات كهرباء زائده و كتابه أدويه كهرباء دون وجود تاريخ مرضي لحدوث اغماءات او تشنجات هو نوع من الممارسة الطبية المغلوطة

ه- دي أمثلة لبعض الحالات اللي لا يجب تشخيصهم كهرباء زايده بالمخ و لا يجب إعطاء أدويه كهرباء لهم ولا يجب عمل رسم مخ لهم

1- طفل كل ما يعيط يزرق و يخشب ونفسه يتقطع و يغيب عن الوعي ده مش كهربا زيادة
دي نوبات احتباس نفس
Breath holding cyanotic spells

2- طفل كثير الحركة، قليل الانتباه و شقي جداً ده عنده فرط حركه وتشتت انتباه
ADHD

3- طفل عنده بربشه بعينه الاثنين وحركات في رقبته ووشه ده عنده حركات لا إرادية وغالباً لزمات حركية TICS

4- طفل أول لما يتخبط أو يقع يقطع النفس ده مش كهربا زيادة
دي حاجه اسمها pallid syndrome

5- طفل مش بيكلم حد وعنده صعوبات في التواصل و التفاعل والتجاوب مع المحيطين و متأخر في الكلام مع حركات نمطيه تكراريه
ده طيف توحد Autism spectrum disorders

6- طفل مش بتيجي له التشنجات الا مع الحرارة كل ما يسخن يتشنج بس عمره أقل من 6 سنين ديه تشنجات حرارية
Febrile convulsions

7- طفل مش بيركز في المدرسة وانتباهه قليل وعنده مشاكل في مواد معينه ديه صعوبات تعلم
Learning disability

8- طفل بيخبط دماغه في الحيط أو في السرير كتير قبل ما ينام كذا مره ومنمش الا لما يعمل كده ديه مش كهربا زيادة دي حاجه اسمها
Head banging

9- طفل بيصدع و مع الصداع دوخه و زغللة و ساعات ترجيع و اشعه المخ سليمه و قاع العين سليم .. دي مش كهرباء .. ده صداع الشقيقة
Migraine

10- طفل رضيع ساعات بيبص بعينه لفوق ويعلق عينه لفوق لمدة ثواني وخاصة مع الرضاعة ديه مش كهربا زيادة دي حاجه اسمها
Paroxysmal tonic upward gaze

شارك

Related

رسم المخ
رسم المخ
المزيد
أسباب التسقيط
أسباب التسقيط
المزيد
5 فؤائد للصيام للجسم والمخ
5 فؤائد للصيام للجسم والمخ
المزيد
10 نصائح لتجنب الآم الرقبة
10 نصائح لتجنب الآم الرقبة
المزيد
الفرق بين النسيان العادي وألزهايمر
الفرق بين النسيان العادي وألزهايمر
المزيد
أضرار المسكنات وعلاقتها بالصداع
أضرار المسكنات وعلاقتها بالصداع
المزيد
أحدث الأبحاث في علاج التصلب المتعدد
أحدث الأبحاث في علاج التصلب المتعدد
المزيد
أحدث العلاجات للتصلب المتعدد
أحدث العلاجات للتصلب المتعدد
المزيد
الألم لدى مرضى التصلب المتعدد
الألم لدى مرضى التصلب المتعدد
المزيد

كشف أونلاين بالفيديو

يمكنك الكشف أون لاين مع أ.د عمرو حسن الحسني للاستشارة أو للمتابعة من خلال فيديو كول بخطوات بسيطة

احجز زيارة منزلية

يمكنك الاستفادة من خدمة الزيارات المنزلية واستشارة أ.د.عمرو حسن الحسني بدون معوقات.

الرأي الطبي الثاني

لا تتردد في التواصل مع أ. د. عمرو حسن الحسني في حال ترددك في اتباع خطة علاج طبيبك.

أحجز ميعاد فى العيادة!